Ispaniyaning mashhur «Real Madrid» klubi va uning bosh murabbiyi Karlo Anchelotti jamoadan ketish shartlari bo‘yicha to‘liq kelishuvga erishgan. Bu haqda britaniyalik «The Athletic» nashri o‘z manbalariga tayanib xabar tarqatdi.
Ma’lumotlarga ko‘ra, klub rahbariyati va 65 yoshli italiyalik mutaxassis o‘rtasida og‘zaki kelishuvga erishilgan. Tomonlar Anchelottining «Qirollik klubi»ni tark etishi haqidagi rasmiy bayonotni Ispaniya chempionati yakunlanmasidan oldin amalga oshirish niyatida. Bu esa 11 may kuni Kataloniyaning «Barselona»siga qarshi bo‘ladigan muhim uchrashuvdan keyin sodir bo‘lishi ehtimoldan holi emas.
«Qirollik klubi»ni boshqarib, ko‘plab sovrinlarni qo‘lga kiritgan italiyalik mashhur murabbiyning kelajagi ham deyarli aniq bo‘lib qolgan. Anchelotti yaqin kunlarda Braziliya futbol konfederatsiyasi (CBF) bilan rasmiy shartnomaga qo‘l qo‘yishi kutilmoqda. Bu esa uning faoliyatidagi yangi va eng qiziqarli sahifa boshlanishidan dalolat bermoqda.
Ma’lum qilinishicha, Karlo Anchelotti boshchiligidagi Braziliya milliy terma jamoasi o‘zining ilk rasmiy uchrashuvlarini iyun oyida o‘tkazadi. Bunda Jahon chempionati-2026 saralash bosqichining Ekvador va Paragvay terma jamoalariga qarshi o‘yinlari nazarda tutilmoqda. Ushbu bellashuvlarda Anchelottining yangi jamoasi qanday natija ko‘rsatishi ko‘pchilikni qiziqtiryapti.
Shuningdek, «Real Madrid» rahbariyati ham klublar o‘rtasidagi jahon chempionatida jamoani kim boshqarishi haqida tez kunlarda aniq qaror qabul qilishi lozim. Hozirda madridliklar ustozligi uchun to‘rt nafar nomzod borligi ta’kidlanyapti. Ular orasida hozirgi paytda «Bayer»da faoliyat olib borayotgan Xabi Alonso, shuningdek, Santyago Solari, Raul Gonsales va yoshlar jamoasi bilan katta muvaffaqiyatga erishgan Alvaro Arbeloa kabi mutaxassislarning nomlari tilga olinmoqda.
Qayd etish joizki, Karlo Anchelotti madridliklar bilan faoliyati davomida ko‘plab sovrinlarga ega chiqqan. Uning ketishi klub uchun yangi davr boshlanishiga sabab bo‘lishi mumkin. Hozircha esa muxlislar va futbol jamoatchiligi «Real»ning yangilangan tarkibi va kelgusi rejalariga qiziqish bilan nazar solmoqda.
[lang_uz]O‘xshash yangiliklar[/lang_uz] [lang_ru]Похожие новости[/lang_ru] [lang_en]Similar news[/lang_en]
Hafta oʻyinlari: «Manchester Siti» «Nyukasl»ga qarshi, «Bavariya» «Bayer» mehmoni
Foto: Getty images MANChESTER SITI – NYuKASL (15 fevral, 20:00) Kecha «Chelsi» Braytonda yutqazgach, kuchli toʻrtlik uchun da'vogarlarda yangi imkoniyat paydo boʻldi, deyish mumkin. Ayni paytda
Mixaylo Podolyak: «Aslida, normal va qulay muzokara jarayoni ketmoqda»
Hennadii Minchenko / Ukrinform / Future Publishing / Getty Images AQSH prezidenti Donald Tramp 2025 yil 20 yanvarda bo‘lib o‘tgan inauguratsiyasidan so‘ng, darhol Putin bilan uchrashish niyati
O‘zbekistonga mundialga chiqish uchun qanday natijalar kerak?
O‘zbekiston milliy jamoasi hozirdanoq saralash o‘yinlarida ochko to‘plash bo‘yicha eng yaxshi natijasini qayd etib turganiga qaramay, hal qiluvchi o‘yinlar endi o‘tkaziladi. Futbol bo‘yicha
Trampning ehtiyotsizligi AQSH fond bozorini qulatdi — AQSHda krizis xavfi bormi?
Investorlarni Trampning oldindan bashorat qilish qiyin bo‘lgan savdo siyosati tobora ko‘proq xavotirga solmoqda. Bu siyosat global ta’minot zanjirlari barqarorligiga tahdid qilmoqda. Oq uyning
Rossiya Ukraina janubini nega bu qadar tez ishg‘ol qilgandi?
2022 yil 24 fevral kuni ertalab soat 4 larda Rossiya armiyasi Ukraina hududiga hujum boshlagandi. Yurish bir vaqtning o‘zida bir necha yo‘nalishda: janub, sharq va shimoldan olib boriladi. Biroq,
